我唔敢話自己係成功，但我敢講我為左達到目標，我係超級勤力既人黎。
其實我想講下我既出現真係好唔公平😂因為我以前好樣衰(雖然依家唔係好好)，之後我慢慢set target比自己逐樣執，唔用眼鏡改戴color con、留長頭髮、激光脫毛、係咁搽美白霜、學化妝、噴香水、學襯衫、搽豐胸膏等等...總之咩野可以增加吸引力都去做。因為我知道世上冇醜女人，只有懶女人啊。
細細個因為身體唔好，所以成日進出醫院，所以我最記得係喺醫院過既童年😆出返黎之後好多課堂知識甩曬，所以要用好短時間追返，自知天資係0，所以讀書嗰陣我廢事夜晚嘈到屋企人，會喺廁所裡面，蓋上馬桶蓋溫書 (屋企細，冇房)。好彩最後比我轆到入大學，我先冇辜負屋企人既期望。
依家終於可以將興趣變成職業，我自己都好感恩，一路走來我自己冇乜時間訓覺😂因為要正職同副業都兼顧到，但我唔想喺香港一世做奴隸獸，我想實現夢想....又要喺賺錢同夢想之間平衡到，所以暫時我都會努力搵錢先😉我信有日喺充份經濟條件下，我可以做自己中意做既野！
咁當然我唔係想講自己幾慘，我只係想用自己例子鼓勵大家，你地絕對可以好成功，只係差左你肯唔肯努力 (好似好老套，但係係真話)❤
Btw我都想介紹返呢個tea set😍間鋪頭 DK Cuppa Tea Sheung Wan喺上環西港城後面，係依家好hit既獨角獸tea set，打卡一流！
首先有棉花糖整做白雲，蒸氣整到融落花茶度，我自己最中意係香腸芝士卷！其他以傳說中獨角獸為題既甜點，例如紅莓蛋糕、獨角獸曲奇、獨角獸翻糖蛋白餅杯、拉脫維亞松露朱古力都好好食。
靚靚老闆娘Kat會送「魔法咭」五張，每張「魔法咭」都代表唔同既意思，每次去佢度食野都必做架😆
Search